Die kinderkerkdiens vind op Sondae tydens die Erediens tussen 09:00 - 10:00 plaas. Medewerkers bied weekliks (tydens die skoolkwartaal) 'n les vanuit die Kids eXpress kurrikulum 'Dapper Stappers' aan.

Dapper Stappers kan vanaf 8:45 by hul klassie in die Grootsaal ingeteken word. Daar sal een gesamentlike les wees vir Gr.R en Gr.RR. Ouers is welkom om die les saam met hul kind/kinders by te woon totdat hul gemaklik voel met die klas. Daar sal 1 lesaanbieder medewerker en 2/3 assistente aan diens wees elke week. Vir kinders se veiligheid word Dapper Stapper kinders in- en uitgeteken deur ouers.

Alle medewerkers wat by die kinderkerk en jeug betrokke is gaan deur 'n onderhoud en 'background check' proses om seker te maak dat alle kinders en ouers veilig en gemaklik kan voel in hul klasse en tydens die lesse.

Die grade-challenge gaan afskop op 8 Mei en eindig op 12 Junie.
Ons daag kinders uit om, wat hulle by die kinderkerk leer verder en dieper te ontdek in die week saam met hulle gesinne. Ons sal weekliks challenges vir die kinders gee om by die huis te gaan doen. Elke challenge wat voltooi word, wen 'n punt vir hul graad se span. Aan die einde van die 6 weke, is die span met die meeste punte, die wenners! Die wen-span gaan 'n 'build your own ice-cream' experience wen om te geniet tydens die eerste les van die nuwe (derde) kwartaal.

Daar word een keer per kwartaal 'n familie pretdag by die kerkgebou aangebied om geleentheid te skep vir ouers en kinders om tyd saam met mekaar en saam met ander gesinne te spandeer.

Die datums vir die volgende familie pretdae loop as volg:
13 Mei 2022 - Makiti
10 September 2022 - Potjiekos
16 Desember 2022 - Laêr trek in township saam met Betereinders

FGK gaan vir die eerste keer 'n vakansieprogram aanbied tydens die Junie/Julie vakansie. Ons noem dit die Vakansie Fees en hierdie jaar se tema is EK WONDER. Tydens hierdie week gaan ons speel, lag, sing, dans, Bybelstories leer, nuwe maats maak en kuier met ou maats.  Ons het dikwels groot vrae oor hoe die wêreld werk so gaan dieper delf in Bybelstories en ontdek hoekom elke maatjie se lewenstorie saak maak, watter gawes God vir elke maatjie gegee het, wat ons by ander se stories kan leer en leer hoe ons tyd met God kan spandeer. Die koste sluit etes, aktiwiteite en alle benodigdhede in en is R550 per laerskool kind, en R650 per tiener.

Datum: 04 - 08 Julie 2022 (Maandag - Vrydag)
Tye: daagliks van 09:00 - 14:00

Vir die jaar 2022 gaan sommige ouers wat wil, saam deur 'n boek oor ouerskap werk. Hierdie boek word gebruik as wegspringpunt vir verdere en dieper gesprekke oor die onderwerpe wat na vore kom uit die boek of self enige ander onderwerpe oor die huwelik, ouerskap of gesinne.

Ouers met klein kinders gaan 7 ritmes vir gesonde kinders deur Tom en Lollie Smith deurwerk.
Ouers met tieners  gaan Help! My kind word groot deur Johan Smit deurwerk.

Ons hoop dat jy na die lees van hierdie bladsy, alles weet oor wie die Dapper Stappers is en hoe die voorskoolse formasie by FGK werk, maar indien jy nog 'n vraag of voorstel het kan jy gerus kontak maak met ons. Ons wil graag help om al jou vrae te beantwoord, en is altyd opsoek na maniere om te verbeter. Ons sal graag van jou wil hoor.