Sondae KIDSkerk-diens
Die kinderkerkdiens vind op Sondae tydens die Erediens tussen 09:00 - 10:00 plaas. Ons begin die diens deur 'n ontmoeting met God te fasiliteer deur 'n lekker aanbiddingsoomblik en spesiale ouderdomsgepaste-groepsmoment en preek waar kinders leer hoe om direk met God te praat en 'n persoonlike verhouding met Hom kan groei. Daarna verdeel kinders in graadverband op waar dienaars weekliks (tydens die skoolkwartaal) verdere besprekings fasiliteer rondom die reeks tema. Daar is 4 verskillende dienaars wat roteer per graad, en ouers word aangemoedig om die dienaars te leer ken. Ons gaan in die jaar 2023 van die materiaal genaamd GROW Kirrikulum (www.https://growcurriculum.org) gebruik maak.

Graad 1 - 7 kinders kan vanaf 8:45 deur hul ouers/voodge in die Grootsaal ingeteken word. Vir kinders se veiligheid word hul in- en uitgeteken deur ouers.

Tween-kuiers (Gr 5 - 7)
Daar word 8 keer 'n jaar van 17:00 - 19:00 'n byeenkoms aangebied waar graad 5-7 kinders die geleentheid kry om saam te eet, te kuier en belangrike onderwerpe soos IDENTITEIT te bespreek.
Hierdie sessies word behartig deur 'n gesamentlike FGK en Domus Dei (NG Randburg Suid) span!
Dit is lekker om die twee kerke se graad 5-7 groepe te meng en saam te leer en groei.

Tydens die familie pretdae wat by die kerkgebou aangebied word, skep ons geleentheid vir ouers en kinders om tyd saam met mekaar en saam met ander gesinne te spandeer.

Die datums vir die familie-pretdae loop as volg:
21 Januarie 2024 - Registrasie vir KIDSkerk en Tieners. Kom braai lekker saam!
10 Mei 2024 - Makiti
16 Desember 2024 - Laêr trek in township saam met Betereinders

FGK se Vakansie Fees word aangebied tydens die Junie/Julie skoolvakansie. Hierdie jaar se tema is WILD LIFE. Ons het dikwels groot vrae oor hoe ons, ons geloof kan laat groei, hoe om vir ander te sorg, te dien en lief te hê. On s gaan tyd spandeer in God se skepping en kyk met hoeveel sorg Hy die wêreld en ook elkeen van ons gemaak het.
Die koste sluit etes, aktiwiteite en alle benodigdhede in en is R550 per laerskool kind, en R650 per tiener.

Datum: 03 - 07 Julie 2023 (Maandag - Vrydag)
Tye: Daagliks van 09:00 - 14:00

Ons hoop dat jy na die lees van hierdie bladsy, alles weet oor wat KIDSkerk is en hoe die formasie van graad 1-7 by FGK werk, maar indien jy nog 'n vraag of voorstel het kan jy gerus met ons gesels. Ons wil graag help om al jou vrae te beantwoord, en is altyd opsoek na maniere om te verbeter. Ons sal graag van jou wil hoor.